امي والبيت المهجور

السلام عليكم معكم اخوكم : ثامر القصاني انا شخص مُحب لـ استماع القصص اياً كانت من محتوى لكن بعد سماعي للقصه يأتيني الحماس لـ اسردها للبقيه وربما وجدت هذا البرنامج العظيم وتبدا القصه - مره من المرات سألت امي عن اول حياتها في زواجها من ابوي وكان ابوي متزوج وحده ثانيه يعني قبل امي وهي خالتي تُسمى ، العموم امي تكلمت كيف كانت حياتها من اول بدايات الزواج ابوي كان عايش على الايجار الشقق ماعنده بيت مُلك وكان ينتقل من بيت الى بيت ثاني الى أن وصل للبيت اللي تبدا فيه القصه امي كانت تقولي اول مادخلنا البيت اعجبنا انا وخالتك وتقول مع الايام جمعنا كم ريال على شان نرتب البيت من أثاث جديد طبعاً البيت فله مو شقه وتقولي رتبناها وشرينا الأثاث ، الا بعد 4 شهور من تواجدنا بالبيت ابوي جاه نقل عسكري من الشمال الا الشرقيه قال ابوي انا لازم اروح طبعاً امي وخالتي وافقوا وهذا شي اكيد لأن هذا مصدر رزق ابوي ، العموم مشى ابوي لمنطقة الشرقيه حيث تكون وظيفته بعيده من شمال الممكلة الا الشرقيه ، امي تقول انا كنت خايفه لأن مافي احد عندنا لكن مو الخوف الشديد لان خالتك معي جاء اول يوم والوضع عادي الا اليوم الثاني باليل تقريباً الساعه 12 قالت لي كنا نبي ننام الا والمغاسل تصب الغريب بالموضوع مو مغسله او مغسلتين الا كل البيت استغربت انا ورحت وطفيت الماء وطبعاً كانت خالتي نايمه وقلت هذا شي طبيعي يمكن فيه مشكله بحباسات الماء ، وجاء اليوم الثالث وتصير نفس الحكايه بس مع خالتي وخافت شوي ، واليوم الرابع جت خالتي عند امي قالت لـ امي امس المغاسل كلهن اشتغلوا والصراحه انا خايفه ومو مرتاحه بالبيت وامي حاولت تهدي خالتي قالت امي يمكن فيه مشكله بحباسات الماء عشان كذا يفتح الماء ، لكن الصدمه مو هنا الصدمه ان خالتي قالت لـ امي انا اشوف محباس الماء يتحرك حتى يصب الماء ويوقف قالت لا هذا مو شي اذكري ربك واقري المعوذات ، مع ان امي شافت اللي شافته خالتي وبنفس اليوم باليل امي كانت تسوي فراشها بالغرفه هي وخالتي وكان عندهم تليفون لأن بالوقت ذاك ماعندهم جوالات ولا يعرفونه اصلاً وجاهم اتصال توقعوا انه ابوي طبعاً كالعاده محد يدق عليهم الا ابوي لكن هالمره لا ، اخذت التليفون خالتي واول ماحطت السماعه تسمع واحد يضحك ويقول كلام غريب جداً وكأنها لغة ثانيه ، وقلت لـ امي يمكن واحد يضحك عليكم كذا قالت لي لا المصيبه مو هنا المصيبه ان اللي يكلمنا هذا تكلم نفس صوتي وقال لنا مكان الغرفه وشكل الفراش اللي نبي ننام عليه بالتفصيل وحتى يشرح الوقفه اللي كانت واقفتها انا ، وعلى طول هربنا للجيران واتصلنا على ابوك وجاء من الشرقيه باليوم الثاني وطلعنا من البيت والى اليوم هذا لا انا ولا خالتك ولا ابوك نعرف وش قاعد يصير بالبيت ذاك وانتهت القصه.